مفتوح

Google Wave

الى من يهمه الامر

انا معى  30 دعوة Google Wave اكتب تعليق تطلب فيه دعوة وسأرسل لك  دعوة على المي

المكتوب به التعليق

ملحوظة :الاولوية بأسبقية الحجز

انا خيلت نفسى حاكم الانترنت وفكرت ايه القوانين اللى هفرضها على المستخدمين وفيما يلى القوانين

1- كل من يستخدم Internet Explorer 6 يحاكم محاكمة عسكرية ويعدم رميا بالقلل

2 – كل المواقع لازم تعدى اختبارات معينة قبل النشر والاختبارات هتكون فى سرعة تحميل الصفحة وتوافقها مع معايير w3c

3 – كل ال Spammers يتجمعوا فى مدينة واحدة ونفجرهم نوويا

4 – تدمير كل حاجة معموله بالفلاش مع اعطاء فرصة 3 اشهر للمبرمجين انهم يعدلوا برامجهم ومواقعهم للعمل بتكنولوجيا اخرى

5 – عمل اختبارات يجب ان يتجاوزها كل من يريد استخدام الانترنت عشان ميبقاش فى ناس زى  ده

6 – اى دومين يطلبه الحاكم – اللى هو انا- ياخده بدون ادنى مناقشة

7 – عمل اختبارات اكثر صرامة لكل من يريد عمل موقع عشان ميبقاش فيه ناس زى ده

الناس بتقول ان الباسورد عشان تبقى قوية لازم  متقلش عن 8 خانات وتبقى خليط من الارقام والحروف والرموز

ليه؟ عشان حاجة اسمها Brute Force Attack وده ان الكراكر بيجرب كل الاحتمالات لغاية ما يفك الباسورد بتاعك

لازم اول حاجة نشوف اضعف باسورد بتتفك فى وقت قد ايه

اضعف باسورد هو الباسورد 6 خانات المكون من ارقام بس

احتمالات كل خانة تتراوح من 0 الى 9 يعنى 10 احتمالات لكل خانة وهما 6 خانات

احتمالات الباسورد ده بتبدأ من 000000 لغاية 999999

يعنى اااحتمالات10^6 يعنى   يعنى مليون احتمال والكمبيوتر بيحتاج اقل من ثانية عشان يجرب كل الاحتمالات دى يعنى الباسورد بتاعك بيتفك فى اقل من ثانية

خلينا برضه فى حكاية 6 خانات بس نزود الاحتمالات بتاعتنا يعنى بدل ما نستخدم الارقام بس نستخدم خليط بين الارقام والحروف

يبقى الاحتمالات كده من 0 الى9  ومن a الى zومن A الى Z

يعنى الاحتمالات فى كل خانة62 احتمال( 10 للارقام و26 للحروف الصغيرة و 26 للحروف الكبيرة)نيجى نحسبها ل 6 خانات نلاقي

عدد الاحتمالات 62^6 يعنى 56 800 235 584 احتمال طبعا الرقم كبير بسبرض سهل انه يتفك فى اقل من 10 ساعات

لو  زودنا على ااحتمالات 14 رمز يبقى احتمال الخانة الواحدة 76

نحسبها ل 6 خانات 76 ^6 يبقى الرقم  192 699 928 576

وده بيتفك فى اقل من يومين  لو زودنا عدد الخانات خليناهم 8 الباسورد بيحتاج 22 سنة عشان يتفك

ولو 9 خانات يبقى الباسورد بتاعك هيتفك بعد 2000 سنة

فى ناس بتقول ان يفضل ان الباسورد ميكنش ليه معنى وده لسبب بسيط ان فى نوع تانى من الاختراق اسمه Dictinory Attack وده  انك بتجرب كل الكلمات الموجده فى القاموس والعملية دى مدتها بتبقى من دقيقتين لغاية ساعة حسب حجم القاموس المستخدم

مثال لباسورد صعب

pR*5&&xR/5

طبعا دى حاجات صعب تحفظها بس فى طريقة سهلة عشان تحفظها يعنى مثلا انا لو عاوز احفظها  هقول

pageRank * 5 && alexaRank /5

كده صعب انى انساه لان ليه معنى عندى بس الكراكر ميعرفش المعنى ده

ملحوظة: مش عاوز اى حد يعمل ناصح ويجرب الباسورد ده على اى حاجة تبعى  لانى  لسة مفكر فيه دلوقتى

يعنى هما كانو ناقصين سبب تانى عشان اكرهم اكتر

يعنى اقعد 4 ايام بصمم استايل جديد وبعد ما اتعب فيه ده كله يحصل كده

عامل اللى اوت 3 عواميد 2 سايد بار وبعد التعب والسهر فى الاخر اوريه لواحد صاحبى المهم صاحبى دهبيعمل بمبدأ الحاجة اللى جاية مع الجهاز هى الاحسن الناس اللى عملوها بيفهموا اكتر منا (بيستخدم الاكسبلورير )يقولى انه بايظ

الموضوع ده خلانى اشك فصطبت  ie4linux والمفاجأة مكنتش على البال التصميم التلت عواميد بقى عامودين  والااتنين سايد بار فوق بعض البلوك اللى فى النص بقى مفلطح والفوتر واخد عرض الشاشة كله

طب انا عاوز افهم ازاى ان كان الفوتر جوه البلوك اللى فى النص ازاى خارج بره حدوده مش فاهم ده طبعا غير الكورنر الشفافة اللى مبقتش شفافة

يعنى ليه احنا نعانى عشان مايكرسوفت مش عاوزة تلتزم بالمقايس

قررت من يومين انى اكتب موضوع عن ال DNS فلقيت انى بشرح مصطلحات كتير فقررت انى اقلب نشاط الموضوع لحاجة تانية حكتب فى الموضوع ده كام مصطلح من اللى بنسمعهم كتير واشرح معناهم وهبدا بالموضوع اللى كنت حكتب عنه اساسا

• DNS

الDNS دى اختصار ل Domain Name System نقدر نقول عنها زى دليل التليفونات دور ال DNS انه يحول اسم الموقع اللى ساعتك بتكتبه للايبى بتاع الموقع ده

بيعنى لو مثلا كتبت موقع Example.com فى المتصفح بتاعك فاللى بيحصل انه بيحولك على رقم زى ده 208.77.188.166 ايه الاسهل انك تحفظ الرقم ولا تحفظ الاسم

• IP

الرقم اللى اتكلمنا عليه فوق ده اسمه IP وهو اختصار ل Internet Protocol

وده وظيفته انه يوفر لكل جهاز رقم خاص بيه مختلف عن الاجهزة التانية عشان يبقى سهل انى اوصله

• IPV4

ده اصدارة من اصدارات الاى بى عباره عن 32bit او 4byte وده معناه ان اخر سعة ليها 2³² او 4,294,967,296 وده مش رقم كبير وهو اللى ادى لظهور IPV6

• IPV6

ده بقى حل المشكلة اللى فى الاصداره اللى فاتت بانه 128bit يعنى 16byte وده معناه ان سعته ممكن توصل ل 2¹²⁸

ومعتقدش ان المكان يكفى انى اكتب الرقم ده هنا

• Dynamic IP

ده معناه ان ال IP مش ثابت يعنى كل مره تفتح جهازك ليك IP مختلف عن المره اللى قبليها واغلب الناس فى مصر عندهم ال IP Dynamic

• Static IP

وده معناه انك ال IP بتاعك ثابت مش بيتغير(محجوزلك) وده بيبقى مفيد فى حالة السيرفرات عشان مش كل شوية الاى بى يتغير ويبقى لازم تغير الدى ان اس على الاى بى الجديد

وده بيبقى بالطلب والسعر فى مصر تقريبا 10 جنيه على كل اى بى

• DHCP

ال DHCP اختصارDynamic Host Configuration Protocol وده بيبقى مهم جدا عشان يحددلك ال IP لو انت بتستخدم Dynamic IP

• PPP

وده اختصار لPoint-to-Point Protocol وده وظيفته انه يوصل نقطتين ببعض عن طريق اتصال مباشر من خلال وفى الغالب بيستخدم فى توصيل الانترنت لعملاء Dail-Up

• PPPoE

اختصار ل Point to Point Protocol Over Ethernet وده بيوتوصل فى الغالب مع مستخدمى ال ADSL

• DSL

اول حاجة هى اختصار ل Digital Subscriber Line ودى مجموعة من التقنيات اللى بتنقل البيانات بشكل ديجيتال فى خطوط التليفون

• ADSL

أختصار ل Asymmetric Digital Subscriber Line وده اشهر نوع من ال DSL وبيستخدم خطوط التليفون لنقل البيانات بس اسرع بكتير من نظام Dail-Up وبييستخدم الترددات العالية اللى مش بتستخدم فى الاتصالالت الصوتيه عشان ينقل البيانات عشان كده التليفون مش بيبقى مشغول وانت بتستخدمه

• Dail-Up

ده عكس الDSL بيستخدم ترددات الصوت اللى احنا بنسمعها 20Hz : 20KHz فبالتالى متقدرش تتكلم وانت مشغله لانه بيشتغل فى الترددات اللى انت بتتكلم فيها

اكيد فى حاجات نسيتها فلو حد حاسس ان فى حاجة تانية ممكن تكتب او فى حاجة غلط ابعتلى ايميل على mfto7.com@gmail.com

انتشر الفاير فوكس فى الفترة الاخيرة انتشار كبير  وده طبعا لانه

1. احسن من البدائل التانية

2. مفتوح المصدر

3. بيشتغل على اغلب الانظمة(قريبا على اجهزة الموبيل)
   

4. و اهم حاجة ليه اضافات

حتكلم النهاردة على احسن الاضافات دى … اللى حاططهم على جهازى

نبدأ مع الاضافات وانا مش مرتبهم بترتيب معين

• Stumble Upon

ودى من الاضافات المفضلة عندى ولازم اركبها فى اى جهاز اقعد عليه

الاضافة دى باختصار حتساعدك انك تكتشف مواقع جديدة ومواضيع جامدة

ازاى؟

بعد التصطيب هيطلب منك تسجل (متقلقش مفيش spam)

ولو برضه لسة قلقان من ال spam ممكن تنفذ الطريقة دى

المهم هيطلب منك اهتماماتك يعنى ايه الحاجات اللى بتحبها

علم على اللى ان عاوزه وسيف

وبعد كده دوس على زرار StumbleUpon فى الToolBar

وكل ما تدوس هيجبلك موقع جديد او موضوع جديد

ملحوظة: الاضافة دى بتديلك شعور زى الشعور اللى حسيته اول ما ركبت ADSL

• Web Developer

الجواب بيبان من عنوانه لو انت مصمم بتحب تفهم الموقع ده اتعمل ازاى انصحك بالاضافة دى

الاضافة دى هتفيدك جدا مش هتكلم عنها كتير هسيبك تستكشفها بنفسك وصدقنى مش هتندم

• Stylish

لو مليت من شكل صفحات المواقع اللى بتخش عليها فى الاضافة دى فيها الشفا بتخليك تغير الاستايل بتاع اى موقع على راحتك ممكن تغير الالوان والبوزيشن بتاع الحاجات كلها باستخدام اكواد css او ممكن تجيب اكواد جاهزة بتغير الشكل من الموقع ده UserStyles يعنى مثلا انا عامل ال FaceBook بالاستايل بتاع DeviantArt والموقع ده هيفيدك قوى فى تعلم التصميم  ومخلى الاستايل بتاع Digg ستايل اسود ومغير yahoo و Google و gmail بالوان غامقة شوية

يعنى من الاخر الصفحة اللى متعجبكش متقولش للمصمم انها وحشة غيرها انت بنفسك

• ِ
  

  AdBlockPlus

كل ما تخش موقع تلاقيه ملغم اعلانات والاعلانات دى بتاخد وقت فى التحميل اكتر من الصفحة كلها

ريح الجمجمة الاضافة دى هتمنع كل الاعلانات المملة اللى فى المواقع دى حتى الاعلانات اللى فى موقعى

• FlashBlock

من اسمه هو بيمنع الفلاشات انها تشتغل وبيحط مكانها علامة تدوس عليها لو عاوز تشغل الفلاشة لان الفلاشات دى اكتر حاجة بتاخد وقت فى التحميل

• FireFtp

ده حيخليك تنقل الملفات ب Ftp وده مفيد جدا هو يمكن مفهوش امكانيات ال FileZilla

بس خفيف وحجمة صغير وحيعملك كل اللى ممكن تحاتجة

يمكن عيبه انه مش شغال على FireFox 3 وده خلانى اضطر اشيلة

لانى مركب الاصدارة firefox3-beta5 ومش بستخدم 2

يمكن تكون ما لاحظتش الفرق بس انا حدثت اصدارة WordPress للاصدارة 2.5 لو واجهتك اى مشاكل فى التصفح او حسيت ان فى حاجة غلط

من فضلك ابعتلى رسالة على

admin@mfto7.com

خيل وانت بتقرا لسته فيها  برامج لليوبنتو . وواحد منهم عجبك ساعتها حتعمل ايه. بدل ما تفتح Add/Reomove او تفتح ال Terminal عشان تصطب البرنامج ده, بمنتهى البساطه تدوس على رابط. يظهرلك رساله بتسألك ان كنت عاوز تصطب البرنامج, وبعد كده يطلب منك الباسورد. قبل حتى ما تكون دورت على البرنامج فى ال Add/Remove يكون البرنامج اتصطب

لازم الأول تصطب Apturl. عشان تصطبه, افتح الترمنال (Application>Accessories>Terminal) وأكتب الامر ده:

sudo apt-get install apturl

بعد التصطيب لازم تعمل ريستارت للمتصفح بتاعك. دلوقتى لو عاوز تجرب Apturl هتحتاج رابط صح وادى رابط

Install

والرابط ده حيسطب برنامج Gnome-Main-Menu

الحمد لله أشتغل بس قبل ما اى حد يقول انه  مش امان انى استخدمه احب اطمنك لان كل اللى البرنامج ده بيعمله انه يكتب الامر apt-get install بالنيابه عنك يعنى بدل ما تفتح الترمنال وتكتب الامر واسم البرنامج الحاجات دى هتتعمل بمجرد الضغط على لينك يعنى مينفعش  تصطب غير البرامج اللى فى ال repo. بتاعتك

طب لو عاوز تعمل الحكايه ده فى موضوع انت كاتبه اوفى موقعك

بسيطه اعمل لينك وحط فى الرابط بتاعه apt: وبعد كده اسم البرنامج

مثلا:

apt:gnome-main-menu

لو عاوز تعرف الحاجات اللى اتغيرت من php5 الىphp6  اقرا الموضوع ده Prepare for PHP 6
لو انت مبرمج بى اتش بى فاكيد بتحاول تخلى السكربتات اللى  بتكتبها متوافقة مع اصدارات اللغة كلها ومش لازم دايما تبص للاصدارات القديمة لا ساعات لازم تبص على الاصدارات الجديدة عشان تضمن ان البرنامج بتاعك حيشتغل فيها

البى اتش بى 6 هو اخر اصدار(فى مرحلة التطوير ) من البى اتش بى وقدامها وقت عشان تنزل النسخة النهائية ورغم كده لازم تتأكد ان الاسكربتات اللى حتعملها تكون متوافقة معاها عشان لما تنزل النسخة النهائية متضرش تعيد كتابة الاسكربت بتاعك من الأول عشان تقدر تستفاد من الاصدراة الجديدة  البى اتش بى 6 اول منا تنزل

طب وانا اعمل ايه عشان اضمن انهم حيشتغلوا

ما تستخدمش الregister_globals

فى البى اتش بى 6 دعم ال register_globals هيتوقف ومش هيبقى فى خيار انك تقفل او تفتح الخاصية دى الخاصية دى مش هيبقى ليها وجود خلاص

وبدل ما تستخدم ال register_globals ممكن تكتب المتغيرات بتاعتك كده:

$_GET['input'];
$_POST['input'];
$_REQUEST['input'];

بطل استخدام الmagic_quotes

انت المفروض اصلا ما تستخدمش الmagic_quotes حتى لو كنت بتستخدم بى اتش بى 3 فى الاصدار السادس الخاصية دى حتختفى زيها زى ال register_globals

preg بدل ereg

لو بتستخدم ereg  انصحك تببدأ تستخدم preg لان ereg مش هتبقى موجوده فى الاصدار السادس من البى اتش بى

طبعا مش دى الاختلافات الوحيدة فى البى اتش بى 6 لكن فى الغالب ده معظم اللى حتحتاج تعمله عشان الاسكربت بتاعك يبقى متوافق مع php6

عشان تصطب البى اتش بى 6  خش على الموضوع ده Installing PHP6 (For beginners)

فيه الخطوات بالتفصيل عشان تصطب البى اتش بى 6 من السورس

عمرك فكرت رسايل الاعلانات اللى ماليه الميل بتاعك دى بتيجى منين ولا المنتديات اللى بتبعلتلك رسايل عشان تسجل عندها بتعرف الميل بتاعك منين

انا اقولك

مش ساعات كتيره جدا بيحصلك  مشكله او بتحتاج حاجة فاول حاجة بتفكر فيها انك تدور فى جوجل وطبعا معاك حق لانك دايما بتلاقى اللى انت عاوزه بس المشكله انك مش بتلاقى الحل غير فى موقع من بتوع (المحتوى مخفى سجل لمشاهدته) وطبعا بحسن نيه بتسجل فى الموقع بالايميل بتاعك وبس كده انت وقعت فى الفخ

لان بيحصل حاجة من الاتنين

1. صاحب الموقع يبيع لستة الايميلات بتاعت الناس اللى سجلوا عنده لاى شركه اعلانات او اى صاحب موقع

2. هاكر يستخدم بوت عشان ينسخ كل الايميلات اللى فى قايمة الاعضاء اللى فى موقع من المواقع

طب وايه الحل؟

بص احسن حاجة انك تعمل بمبدأ الوقاية افضل من العلاج

يعنى ايه ما اسجلش فى مواقع تانى؟

لا انا مقلتش كده انا قصدى ما تسجلش بالمايل بتاعك

ما هما ساعات بيطلبوا انى ادوس على الرابط اللى حيجيلى فى رسالة!

بسيطة يا سيدى الحل فى

gurilla mail

بص يا سيدى الموقع ده بيديلك ايميل وهمى تاخد عليه الرسايل اللى انت عاوزها وبعد ربع ساعة يتمسح الميل كانه مش موجود وبيديك الايميل ده بمجرد ضغطه زرار كل اللى عليك انك تدوس على

Get-temporary-e-mail

وخلاص كده حيديك ايميل تستخدمه فى التسجيل فى اى موقع

وبعد ربع ساعة اكن ما فيش اى حاجة خالص