أفتح دماغك

openCV دى مجموعة مكتبات تضاف للغة c لكى تجعلها تتعامل مع الصور

المهم انا المفروض انى بشتغل بالمكتبات دى السنة دى فقولت بما انها Open يبقى قشطة مفيش  مشاكل على ال Synaptic وخلاص انزلها والدنيا تتظبت  بس انا كنت فاهم غلط

فتحت Eclipse وقولت اشتغل بقى المهم عملت include ل cv.h وبكتب الكود بيتكتب عادى و eclipse  بتعمل auto complete عادى خالص وخلصت وعملت build

يظهرلى error يقوللى قال ايه ميعرفش اللى انا كاتبه ده معناه ايه المهم بعد معاناه اكتشفت انك لازم تضيف المكتبات دى فى المشروع بتاعك مش Header Files  بس

وقولت اكتبلكوا هنا ازاى تعملوا الكلام ده عشان مبحبش حد يعانى اللى انا عانيت منه

project>properties>c ++ build>settings

وبعد كده تختار Directories وكتب فيها المكان اللى فيه ال Header files وغالبا بيبقى

/usr/include/opencv/

و بعد كده تنزل على  GCC C++ Linker وتختار  Libraries  وتخلى ال search path

/usr/lib/

و ال libraries خليهم cv و highgui