اللينكس ضار جدا بالصحة
اللينكس ضار جدا بالصحة و يسبب الوفاة
دراسة جديدة تم اجرائها فى بير سلم عمارتنا اثبتت ان اللينكس ضار جدا بالصحة ويسبب الوفاه
وده فى حالة لو انت مش عاوز تتعلم وعاوز حد يقولك كل حاجة
اصلها حاجة تغيظ جدا
انا مش بتدايق لما حد يطلب مساعدتى بالعكس انا بفرح جدا
لكن المفروض انت كمان تساعد نفسك
يعنى فى اختراع اسمو جوجل ممكن تكتب فيه المشكلة وهتلاقى حلها
اساسا دى اول حاجة بعملها اول ما تقابلنى مشكلة معرفش احلها
وبسبب المجتمع المفتوح غالبا بلاقى حل
عارف المشكلة الاكبر فى ايه
انك تكون لو اديتك رابط فيه طريقة تكسل تعمله وتخلينى احطلك الحاجة فى اسكربت
ولو فتته وبصيت فيه هتلاقى فيه الكلام اللى كان فى الشرح
انا مش عاوز اى حد يزعل من الكلام ده
وبالمناسبة مالقيش عند حد الاعمال الكاملة لتوم و جيرى
