تمت السيطرة عسكريا على هذه المدونة ل و ذلك بهدف التحكم بمحتوى المدونة والتأكد من خلوه من المواضيع الشخصية وأهتمامه بالمواضيع التقنية فقط وذلك وقد تم اصدار قرار بالابقاء على المواضيع الشخصية السابقة دون حذف او تعديل على الا يتم كتابه اى موضوع شخصى اخر بدأ من يوم الأحد الموافق 13 /7/2009 من تمام الساعة 10:21 مسائا
مع تمنيتنا بالاستمتاع بالمواضيع القادمة
تخيل الغباء وصل لايه
كان عندى كام اغتية عاوز اعملهم Rename عشان اشيل رقم التراك
الانسان العاقل يعمل ايه:ايوه صح يمسك الملفات واحد واحد ويسمسهم والزمن المستغرق كبيره 10 دقائق
لكن ده الانسان العاقل
انا بقى قلت اكتب برنامج يعمل الموضوع ده عشان اوفر وقت والنتيحة بعد ساعة الا ربع من التفكير والغباء البرمجى وشد الشعرالبرنامج طلع قماش اه والله هو اه ملوش اى لزمه بس انا اتعلمت ازاى اربط البرنامج بتاعى بتاعى باوامر الشيل بس بطريقة غبية شوية
وأكتشفت انى فعلا وفرت وقت نقريبا -35 دقيقة
طبعا كل اللى حاول يستخدم Eclipse فى يوبونتو واجهته الحقيقة المرة انه بطئ جدا
غير التوزيعات التانية(Fedora) اللى البرنامج فيها سريع جدا
المشكلة ببساطة ان يوبونتو مش بيشغل نسخة جافا GCJ مش الجافا بتاعة Sun
فانت كل اللى عليك انك تخليه يشتغل بالجافا بتاعت Sun
اهم حاجة يكون عندك sun-java6-jre
وافتح ملف “/etc/eclipse/java_home”
وأكتب فى أول سطر
/usr/lib/jvm/java-6-sun
متصفح جوجل الرائع اخيرا وصل للاصدارة alpha فى اللينكس يعنى خلاص قريب حنشوف الاصدار الرسمى من جوجل
المتصفح سريع جدا بس ناقصة شوية حاجات
بس المتصفح اقترب من الاصدارة بيتا وكل يوم فى تحديث جديد
الى ظهور الأصدارة بيتا واعلان جوجل باصدار المتصفح رسميا لا انصح باستخدامة
لكن لو عاوز تجربه
echo "deb http://ppa.launchpad.net/chromium-daily/ppa/ubuntu jaunty maindeb-src http://ppa.launchpad.net/chromium-daily/ppa/ubuntu jaunty main" >>/etc/apt/sources.listwget -q http://ppa.launchpad.net/chromium-daily/ppa/ubuntu/dists/jaunty/Release.gpg -O- | sudo apt-key add - && sudo apt-get updatesudo apt-get install chromium-browserنزله من جوجل
يمكن يكون emesene مش بيدعم غير بروتكول واحد(MSN)
ويمكن فى ناس تختلف معايا فى الرأى بس البرنامج ده من احسن برامج الماسينجر اللى شوفتها المهم
انا النهاردة جاى اتكلم عن الاصدار الجديد من البرنامج
Emesene Crazy
و الاصدار ده ميزاته
ده غير ان الأضافات اكتر من الاول
لتحميل النسخة الجديدة 32-bit
النسخة 64-bit
لتحميل المصدر
——
اخر تعديل فى 21/6/2009 لتعديل الروابط
اليويونتو يساعد على الغباء
طبعا الجملة دى غريبة بس ده اللى انا اكتشفته من يومين لما جربت اجرب توزيعة تانية كنوع من انواع التغير
فقولت اجرب Fedora
وساعتها اكتشفت ان التسهيلات اللى فى اليوبونتو موجودة فى اليوبونتو بس (كنت فاكر انها فى كل اللينكس)
طبعا اكتشفت ان يويونتو بيفسدنا اخر حاجة وده لاكتر من سبب منهم
التعريفات
ودى من اكتر الحاجات اللى تعبتنى
انا طبعا فاهم ليه مش بيحطوا التعريفات غير التعريفات المفتوحة فى الاسطوانة طيب ليه كارت Wirleless مش شغال ان كان التعريف مفتوح ومدمج مع الكيرنل من ايام 2.6.17
ده غير تعريف ال ATI اللى قافنى فى كل حتة
ملحوظة:مدير التعريفات اللى فى يوبونتو بيوفر عليك جدا
تانى حاجة لعنة اسمها yum
اللى يجرب apt عمره ما يقتنع بغيره
وطبعا بعد عده محاولات يائسة لتركيب apt فقدت الامل وقولت مش مشكلة
تالت حاجة nautilus
اكتشفت ان من غير التعديلات اللى على nautilus بيبقى متخلف جدا
بس طبعا ده ميمنعش ان الفيدورا فيها حاجات عجبتنى زى
Eclipse
انا كنت فاكر المشكلة فى جهازى بس اتضح ان البتاعة ده مش بطئ ولا حاجة
مش عارف دى مشكلة اليوبونتو ولا الجافا ولا اصدارة البرنامج(فيدورا بتستخدم اصدارة متعدلة)
بجد اول مره اشتغل عليه بالسرعة دى
وطبعا اكتشفت انى لو كنت استمرت فى استخدام يو%
بجد انا زهقت انا حطمت الرقم القياسى خلاص
82 رسالة سبام فى 8 ساعات
ليه
هو مفيش غيرى
انا عارف ان ده اكيد بوت مش بنى ادم عشان كده اسف يا زوارى بس انا متضر
انا والله بكره لبتاعة دى وكنت بتدايق من الناس اللى بتحطها بس انا دلوقتى بس عرفت هما بيحطوها ليه
من اول دلوقتى اى حد عاوز يكتب كومينت هيدخل الحروف اللى فى الصورة
Sorry
اللينكس ضار جدا بالصحة و يسبب الوفاة
دراسة جديدة تم اجرائها فى بير سلم عمارتنا اثبتت ان اللينكس ضار جدا بالصحة ويسبب الوفاه
وده فى حالة لو انت مش عاوز تتعلم وعاوز حد يقولك كل حاجة
اصلها حاجة تغيظ جدا
انا مش بتدايق لما حد يطلب مساعدتى بالعكس انا بفرح جدا
لكن المفروض انت كمان تساعد نفسك
يعنى فى اختراع اسمو جوجل ممكن تكتب فيه المشكلة وهتلاقى حلها
اساسا دى اول حاجة بعملها اول ما تقابلنى مشكلة معرفش احلها
وبسبب المجتمع المفتوح غالبا بلاقى حل
عارف المشكلة الاكبر فى ايه
انك تكون لو اديتك رابط فيه طريقة تكسل تعمله وتخلينى احطلك الحاجة فى اسكربت
ولو فتته وبصيت فيه هتلاقى فيه الكلام اللى كان فى الشرح
انا مش عاوز اى حد يزعل من الكلام ده
وبالمناسبة مالقيش عند حد الاعمال الكاملة لتوم و جيرى
اكتر حاجة بتخنقنى هو السؤال ده
كل ما اقول لاى حد اننا نعمل حاجة يقولك هاستفاد ايه
نشترك فى حاجة هاستفاد ايه
يعم يعنى هو انت اى حاجة تعملها لازم يطلعلك منها حاجة
اقولك انا اى حاجة هتعملها مهما كانت ملهاش لازمة( بالنسبة لك) هتتعلم منها حاجة على الاقل و اى حاجة احسن من انعدام الحاجات اللى انت عايش فيه
اصلها هتاخد وقت كتير
ده على اساس انك رجل الاعمال المهم اللى عندكش اى وقت فراغ
يا عم انا من الاخر مش هستنى حد ولما احب اعمل حاجة مش لازم اقنع الناس انا بعملها ليه
لانى اكتشفت انى لا بحاول اقنع حد بحاجة انا متحمسلها حماسى ليها بيقل
والناس كلها بتحبطك وتقولك السؤال الازلى
هتستفاد منها ايه
اقولك انا مش عاوز استفاد حاجة
بس برضوا ميمنعش انى هستفاد
على الاقل معنويا
لو سألت اى مستخدم لينكس انت بيتستخدمه ليه حتلاقيه بيقولك عشان مجانى وأمن والكلام اللى بنسمعه ده بس مش ده السبب الحقيقى الاسباب دى بنقولها بس عشان حاسين ان الناس مش هتفهم السبب الحقيقى وفضلنا نكرر الاسباب اللى فوق دى لغاية ما صدقناها
والسبب ده انه استخدامه متعة بانسبة ليا على الاقل
متعة فى ايه؟
فى انى الخبط كل حاجة وارجع اصلحها
ان تواجهنى مشكلات مبقاش فاهمها واتعلم منها وافهمها
ان قدامى اختيارات كتير اختار منها اللى يعجبنى واعدله زى نا عاوز ولو زهقت منه اختار اختيار تانى خالص
انى العب فى سطر الاوامر
اجرب برامج بشكل عشوائى
ابوظ النظام واصلحة تانى او ما اصلحهوش
اتعلم انى اقرا كود ومفهموش
متعة ان حاجة بسيطة اعملها ب اصعب طريقة ممكنة
انا اعتقد ان ده السبب الحقيقى