Linux Mint Logo
مش عاوز حد يفهم العنوان غلط المقصود بالنعناع هنا Linux Mint مش النعناع اللى بيتاكل.
الموضوع انى فى الاونة الاخيرة – حلوة الاونة الخيرة دى – بستخدم التوزيعة دى وللى ميعرفهاش Linux Mint فهى توزيعة Linux مبنية على Ubuntu .
انا اصلا بحب التوزيعة دى جدا وبحترم المطور بتاعها فأول ما النسخة الجديدة Linux Mint 8 نزلت قررت اجربها اسبوعين وبما ان التوزيعة دى مبنية على اخر اصدار منUbuntu اللى هو Karmic فهى بتتمتع باغلب مزايا التوزيعة دى واهمها - فى رأى – الطريقة الجديدة عشان تضيف مخازن
add-apt-repository
وده بتكتب فيه اسم المخزن و هو بيضيف المخزن و ال gpg key بتاعه مره واحدة يعنى من الاخر بيوفر وقتك بغباء.
لكن للاسف تأتى الرياح محملة بالاتربة البرنامج ده بيشتغل عن طريق انه بيجيب المخزن الخاص بالأصدارة بتاعتك وكتبه مع بقية زمايله .
المشكلة ان كل المخازن معموله ل Ubuntu مش لMint فبالتالى المخزن مش هيتضاف عندك ولازم تضيفه يدوى- هو اليدوى مش صعب قوى يعنى – بس ايه انا بكسل.
المهم لكل الناس اللى عندها المشكلة دى الحل بسيط – نسبيا – الفكرة ان اكيد فى ملف متخزن فيه اسم التوزيعه وعن طريقه البرامج بتعرف انت بتستخدم ايه فلو غيرنا الملف ده كل البرامج اللى بتعتمد على الاسم مش هتاخد بالها
/etc/lsb-release
المهم حضرتك هتغير السطر ده
DISTRIB_CODENAME=helena
وتخليه
DISTRIB_CODENAME=karmic
ملحوظة:
الحل ده بيشتغل مع كل البرامج اللى بتعتمد على اسم التوزيعة زى Ubuntu-tweak مثلا
تعديل:
هذا الحل مؤقت لان كل تحديث للتوزيعة يعنى تحديث للملف لكن ممكن الحل يكون دائم بأستخدام cron job تشتغل كل ساعة او يوم
Google Wave
الى من يهمه الامر
انا معى 30 دعوة Google Wave اكتب تعليق تطلب فيه دعوة وسأرسل لك دعوة على المي
المكتوب به التعليق
ملحوظة :الاولوية بأسبقية الحجز
openCV دى مجموعة مكتبات تضاف للغة c لكى تجعلها تتعامل مع الصور
المهم انا المفروض انى بشتغل بالمكتبات دى السنة دى فقولت بما انها Open يبقى قشطة مفيش مشاكل على ال Synaptic وخلاص انزلها والدنيا تتظبت بس انا كنت فاهم غلط
فتحت Eclipse وقولت اشتغل بقى المهم عملت include ل cv.h وبكتب الكود بيتكتب عادى و eclipse بتعمل auto complete عادى خالص وخلصت وعملت build
يظهرلى error يقوللى قال ايه ميعرفش اللى انا كاتبه ده معناه ايه المهم بعد معاناه اكتشفت انك لازم تضيف المكتبات دى فى المشروع بتاعك مش Header Files بس
وقولت اكتبلكوا هنا ازاى تعملوا الكلام ده عشان مبحبش حد يعانى اللى انا عانيت منه
project>properties>c ++ build>settings
وبعد كده تختار Directories وكتب فيها المكان اللى فيه ال Header files وغالبا بيبقى
/usr/include/opencv/
و بعد كده تنزل على GCC C++ Linker وتختار Libraries وتخلى ال search path
/usr/lib/
و ال libraries خليهم cv و highgui
انا نفسى افهم حاجة
هو فى عداوه او تار بايت بين مطورى ubuntu و مطورى Eclipse؟
اصل الموضوع ملوش اى حل غير كده
فى الاول Eclipse كان بطئ جدا على ubuntu و الموضوع اتحل
دلوقتى قرروا انهم يذودوا العداوة شوية و Eclipse مبقاش ينفع يتصطب اصلا على 9.10 بسبب حزم ناقصة
المهم انا دورت على النت وطلع فى حد قال على المشكله دى ولقولها حل
sudo apt-get install libswt3.4-*
كل شهر هنزل صور زى دى عشان اعرف ايه التغيرات اللى بعملها كل شهر
انا خيلت نفسى حاكم الانترنت وفكرت ايه القوانين اللى هفرضها على المستخدمين وفيما يلى القوانين
1- كل من يستخدم Internet Explorer 6 يحاكم محاكمة عسكرية ويعدم رميا بالقلل
2 – كل المواقع لازم تعدى اختبارات معينة قبل النشر والاختبارات هتكون فى سرعة تحميل الصفحة وتوافقها مع معايير w3c
3 – كل ال Spammers يتجمعوا فى مدينة واحدة ونفجرهم نوويا
4 – تدمير كل حاجة معموله بالفلاش مع اعطاء فرصة 3 اشهر للمبرمجين انهم يعدلوا برامجهم ومواقعهم للعمل بتكنولوجيا اخرى
5 – عمل اختبارات يجب ان يتجاوزها كل من يريد استخدام الانترنت عشان ميبقاش فى ناس زى ده
6 – اى دومين يطلبه الحاكم – اللى هو انا- ياخده بدون ادنى مناقشة
7 – عمل اختبارات اكثر صرامة لكل من يريد عمل موقع عشان ميبقاش فيه ناس زى ده
كل مرة واحد صاحبى يقرر انه يحول للينكس بلاقيه بعديها بيومين بيتصل بيا ويقولى انت بتستخدم برنامج ايه عشان تعمل كذا عشان فى اكتر من واحد قدامى و مش عارف اختار
فقررت انى اكتب موضوع اكتب فيه البرامج اللى بستخدمها عشان الحاجات المختلفة
ولو باستخدم اكتر من برنامج هاكتب اكتر واحد باستخدمه الاول
Read more…
عم الفلاش كانت الحاجة الوحيدة تقريبا اللى بتخلينى ماستخدمش chromium بشكل كامل على اللينكس واخيرا بعد فترة انتظار طويلة الفلا يعمل
صطب البرنامج
echo "deb http://ppa.launchpad.net/chromium-daily/ppa/ubuntu jaunty main
deb-src http://ppa.launchpad.net/chromium-daily/ppa/ubuntu jaunty main" >>/etc/apt/sources.list
sudo apt-key adv –recv-keys –keyserver keyserver.ubuntu.com 0xfbef0d696de1c72ba5a835fe5a9bf3bb4e5e17b5
sudo apt-get install chromium-browser
لتفعيل الفلاش
sudo cp /usr/lib/flashplugin-installer/libflashplayer.so /usr/lib/chromium-browser/plugins
لتشغيل المتصفح
chromium-browser --enable-greasemonkey --enable-user-scripts --enable-extensions
اعلنت جوجل انها بدأت فى عمل نظام تشغيل مبنى على اللينكس
وقالت فى مدونة جوجل الرسمية ان نظام التشغيل حهيكون اسمه Google chrome os وحيتبنى بهدف ان يكون خفيف ومرتبط بالويب وان السبب الرئيسى للخطوة دى ان انظمة التشغيل الموجوده اتصممت قبل ظهور الويب وان دى محاولة من جوجل لاعادة صياغة معنى كلمة نظام تشغيل
طبعا انا من ساعت ما سمعت الخبر ده وانا مش قادر استنى لكن للاسف النظام ده هينزل اخر السنة دى وحيكون متوفر فى السوق فى 2010
و طبعا ده معناه ان اصدارة اللينكس من جوجل كروم حنشوفها قريب
اعتقد ان النظام ده حيكون حاجة قريبة من Moblin يعنى الواجهة حتكون حاجة جديدة
تخيل الغباء وصل لايه
كان عندى كام اغتية عاوز اعملهم Rename عشان اشيل رقم التراك
الانسان العاقل يعمل ايه:ايوه صح يمسك الملفات واحد واحد ويسمسهم والزمن المستغرق كبيره 10 دقائق
لكن ده الانسان العاقل
انا بقى قلت اكتب برنامج يعمل الموضوع ده عشان اوفر وقت والنتيحة بعد ساعة الا ربع من التفكير والغباء البرمجى وشد الشعرالبرنامج طلع قماش اه والله هو اه ملوش اى لزمه بس انا اتعلمت ازاى اربط البرنامج بتاعى بتاعى باوامر الشيل بس بطريقة غبية شوية
وأكتشفت انى فعلا وفرت وقت نقريبا -35 دقيقة
أحدث التعليقات