مفتوح

Linux Mint Logo

مش عاوز حد يفهم العنوان غلط المقصود بالنعناع هنا Linux Mint مش النعناع اللى بيتاكل.

الموضوع انى فى الاونة الاخيرة – حلوة الاونة الخيرة دى – بستخدم التوزيعة دى وللى ميعرفهاش Linux Mint فهى توزيعة Linux مبنية على Ubuntu .

انا اصلا بحب التوزيعة دى جدا وبحترم المطور بتاعها فأول ما النسخة الجديدة Linux Mint 8 نزلت قررت اجربها اسبوعين وبما ان التوزيعة دى مبنية على اخر اصدار منUbuntu اللى هو Karmic فهى بتتمتع باغلب مزايا التوزيعة دى واهمها  - فى رأى – الطريقة الجديدة عشان تضيف مخازن

add-apt-repository

وده بتكتب فيه اسم المخزن و هو بيضيف المخزن و ال gpg key بتاعه مره واحدة يعنى من الاخر بيوفر وقتك بغباء.

لكن للاسف تأتى الرياح محملة بالاتربة البرنامج ده بيشتغل عن طريق انه بيجيب المخزن الخاص بالأصدارة بتاعتك وكتبه مع بقية زمايله .

المشكلة ان كل المخازن معموله ل Ubuntu مش لMint فبالتالى المخزن مش هيتضاف عندك ولازم تضيفه يدوى- هو اليدوى مش صعب قوى يعنى – بس ايه انا بكسل.

المهم لكل الناس اللى عندها المشكلة دى الحل بسيط – نسبيا – الفكرة ان اكيد فى ملف متخزن فيه اسم التوزيعه وعن طريقه البرامج بتعرف انت بتستخدم ايه فلو غيرنا الملف ده  كل البرامج اللى بتعتمد على الاسم مش هتاخد بالها

/etc/lsb-release

المهم حضرتك هتغير السطر ده

DISTRIB_CODENAME=helena

وتخليه

DISTRIB_CODENAME=karmic

ملحوظة:

الحل ده بيشتغل مع كل البرامج اللى بتعتمد على اسم التوزيعة زى Ubuntu-tweak مثلا

تعديل:

هذا الحل مؤقت لان كل تحديث للتوزيعة يعنى تحديث للملف لكن ممكن الحل يكون دائم بأستخدام cron job تشتغل كل ساعة او يوم

كل مرة واحد صاحبى يقرر انه يحول للينكس بلاقيه بعديها بيومين  بيتصل بيا ويقولى انت بتستخدم برنامج ايه عشان تعمل كذا عشان فى اكتر من واحد قدامى و مش عارف اختار

فقررت انى اكتب موضوع اكتب فيه البرامج اللى بستخدمها عشان الحاجات المختلفة

ولو باستخدم اكتر من برنامج هاكتب اكتر واحد باستخدمه الاول

Read more…

عم الفلاش كانت الحاجة الوحيدة تقريبا اللى بتخلينى ماستخدمش chromium بشكل كامل على اللينكس واخيرا بعد فترة انتظار طويلة الفلا يعمل

صطب البرنامج

لتشغيل المتصفح

اعلنت جوجل انها بدأت فى عمل  نظام تشغيل مبنى على اللينكس

وقالت فى مدونة جوجل الرسمية ان نظام التشغيل حهيكون اسمه Google chrome os  وحيتبنى  بهدف ان يكون خفيف ومرتبط بالويب وان السبب الرئيسى للخطوة دى ان انظمة التشغيل الموجوده اتصممت قبل ظهور الويب   وان دى  محاولة من جوجل لاعادة صياغة معنى كلمة نظام تشغيل

طبعا انا  من ساعت ما سمعت الخبر ده وانا مش قادر استنى لكن للاسف النظام ده هينزل اخر السنة دى وحيكون متوفر فى السوق فى 2010

و طبعا ده معناه  ان اصدارة اللينكس من جوجل كروم حنشوفها قريب

اعتقد ان النظام ده حيكون حاجة قريبة من Moblin يعنى الواجهة حتكون حاجة جديدة

متصفح جوجل الرائع اخيرا وصل للاصدارة alpha فى اللينكس يعنى خلاص قريب حنشوف الاصدار الرسمى من جوجل

المتصفح سريع جدا بس ناقصة شوية حاجات

• دعم العربى
• دعم الفلاش والجافا
• Complex tab Draging
• بعض القوائم غير كاملة
• Google Gears
• Task Manager

بس المتصفح اقترب من الاصدارة بيتا وكل يوم فى تحديث جديد

الى ظهور الأصدارة بيتا واعلان جوجل باصدار المتصفح رسميا لا انصح باستخدامة

لكن لو عاوز تجربه

نزله من جوجل

اليويونتو يساعد على الغباء

طبعا الجملة دى غريبة بس ده اللى انا اكتشفته من يومين لما جربت اجرب توزيعة تانية كنوع من انواع التغير
فقولت  اجرب Fedora

وساعتها اكتشفت ان التسهيلات اللى فى اليوبونتو موجودة فى اليوبونتو بس (كنت فاكر انها فى كل اللينكس)

طبعا اكتشفت ان يويونتو بيفسدنا اخر حاجة وده لاكتر من سبب منهم

التعريفات

ودى من اكتر الحاجات اللى  تعبتنى

انا طبعا فاهم ليه مش بيحطوا  التعريفات غير التعريفات المفتوحة فى الاسطوانة طيب ليه كارت Wirleless مش شغال ان كان التعريف مفتوح ومدمج مع الكيرنل من ايام 2.6.17

ده غير تعريف ال ATI اللى قافنى فى كل حتة

ملحوظة:مدير التعريفات اللى فى يوبونتو بيوفر عليك  جدا

تانى حاجة لعنة اسمها  yum
اللى يجرب apt عمره ما يقتنع بغيره

وطبعا بعد عده محاولات يائسة لتركيب apt فقدت الامل وقولت مش مشكلة

تالت حاجة nautilus

اكتشفت ان من غير التعديلات اللى على nautilus بيبقى متخلف جدا

بس طبعا ده ميمنعش ان الفيدورا فيها حاجات عجبتنى زى

Eclipse

انا كنت فاكر المشكلة فى جهازى بس اتضح ان البتاعة ده مش بطئ ولا حاجة

مش عارف دى مشكلة اليوبونتو  ولا الجافا ولا اصدارة البرنامج(فيدورا بتستخدم اصدارة متعدلة)

بجد اول مره اشتغل عليه بالسرعة دى

وطبعا اكتشفت انى لو كنت استمرت فى استخدام يو%

اللينكس ضار جدا بالصحة و يسبب الوفاة

دراسة جديدة تم اجرائها فى بير سلم عمارتنا اثبتت ان اللينكس ضار جدا بالصحة ويسبب الوفاه

وده فى حالة لو انت مش عاوز تتعلم وعاوز حد يقولك كل حاجة

اصلها حاجة تغيظ  جدا

انا مش بتدايق لما حد يطلب مساعدتى بالعكس انا بفرح جدا

لكن المفروض انت كمان تساعد نفسك

يعنى فى اختراع اسمو جوجل ممكن تكتب فيه المشكلة وهتلاقى حلها

اساسا دى اول حاجة بعملها اول ما تقابلنى مشكلة معرفش احلها

وبسبب المجتمع المفتوح غالبا بلاقى حل

عارف المشكلة الاكبر فى ايه

انك تكون لو اديتك رابط فيه طريقة تكسل تعمله وتخلينى احطلك الحاجة فى اسكربت

ولو فتته وبصيت فيه هتلاقى فيه الكلام اللى كان فى الشرح

انا مش عاوز اى حد يزعل من الكلام ده

وبالمناسبة مالقيش عند حد الاعمال الكاملة لتوم و جيرى

لو سألت اى مستخدم لينكس انت بيتستخدمه ليه حتلاقيه بيقولك عشان مجانى وأمن والكلام اللى بنسمعه ده بس مش ده السبب الحقيقى الاسباب دى بنقولها بس عشان حاسين ان الناس مش هتفهم السبب الحقيقى وفضلنا نكرر الاسباب اللى فوق دى لغاية ما صدقناها

والسبب ده انه استخدامه متعة بانسبة ليا على الاقل

متعة فى ايه؟

فى انى الخبط كل حاجة وارجع اصلحها

ان تواجهنى مشكلات مبقاش فاهمها واتعلم منها وافهمها

ان قدامى اختيارات كتير اختار منها اللى يعجبنى واعدله زى نا عاوز ولو زهقت منه اختار اختيار تانى خالص

انى العب فى سطر الاوامر

اجرب برامج بشكل عشوائى

ابوظ النظام واصلحة تانى او ما اصلحهوش

اتعلم انى اقرا كود ومفهموش

متعة ان حاجة بسيطة اعملها ب اصعب طريقة ممكنة

انا اعتقد ان ده السبب الحقيقى

النت مليان ناس بتكتب فى حاجات متعرفهاش وفى الغالب كلامهم بيبقى غلط وفى ناس كتير بتصدقه والموضوع ده بيحصل فى كل انواع المواضيع اللى على النت

وناخد مثال الناس اللى بتتكلم عن اللينوكس

وانا دلوقتى بتكلم عن الناس اللى مجربوش اللينكس ولا حتى قروا عنه اى حاجة ومع ذلك بيحسوا انهم لازم يتكلموا

Read more…

فى الموضوع ده شوية مصطلحات من اللى بيسمعها مستخدم اللينكس او مستخدم الكمبيوتر عامة

Cron

هو زى منظم مواعيد للبرامج بيحدد معاد لكل برنامج عشان يشتغل فيه يعنى مثلا انا عاوز برنامج Amarok كل يوم الساعة 7 الصبح فاول ما تيجى الساعة 7 البرنامج يتفتح

Daemon

لا مش اللى جه فى دماغك لو انت من الناس اللى بتتابع افلام الرعب .ال Deamon ده اى برنامج بيشتغل لوحده من غير اى تدخل منك .ممكن يكون مثلا برنامج بيمسح الملفات المؤقته

ملحوظة ال Cron عباره عن Deamon.

Hacker

بسبب الافلام الناس فاكره ان الهاكر هو اللى بيخترق اجهزة الناس التانية الكلام ده مش صحيح اللى بيعمل كده هو ال Cracker. الهاكر تقدر تقول عليه مبرمج محترف والهاكر هو المستوى اللى بيسعى ليه اى مبرمج. وال Cracker برضه يعتبر هاكر لكنه انضم للجانب المظلم.

Kernel

الكرنل هو البرنامج الرئيسى لاى نظام تشغيل .الكرنل هو اللى البرنامج اللى بيتعامل بشكل مباشر مع الهارد وير.

البرامج التانية بتطلب من الكرنل انها تنفذ حاجات فى الكمبيوتر عشان تقدر تنفذها .يعنى مثلا لو برنامج عاوز يكتب حرف على الشاشة البرنامج بيطلب من الكرنل انه يحط الحرف ده على الشاشة يعنى من الاخر كل حاجة بتعدى على الكرنل الاول(بس طبعا لكل قاعدة استثنائات). يعنى الكرنل ده زى الحكومة بتاعت نظام التشغيل.

compiler

هو البرنامج اللى بيحول السورس كود المكتوب بلغة بفهمها الانسان لملفات تنفيذية مكتوبة بلغة يفهمها الكمبيوتر

Open Source

ببساطة هو البرنامج اللى بيجى معاه السورس كود بتاعه عشان تستخدمه وتتعلم منه وتعدله لو حبيت.

process

اى برنامج بيشتغل على الكمبيوتر يعتبر Process.

pid

كل process بيبقى ليها id مختلف عشان ممكن ال process تتشابه.

signal

دى الطريقة اللى البرامج بتكلم بعضها بيها.

لو عجبك الموضوع ده يبقى اكيد هيعجبك ده

وانتظروا قريبا

مصطلحات انترنتية الجزء التانى